2026 жылдың қаңтарынан бастап Қазақстанда медициналық көмектің бірыңғай пакеті енгізіледі. Бұл пакет ТМККК мен МӘМС-ті нақты ажыратуды, аурулардың ерте профилактикасының қолжетімділігін арттыруды және әлеуметтік мәні бар ауруларды ерте анықтау бойынша кепілдіктерді кеңейтуді көздейді. Сонымен қатар, ресурстарды қайта бөлудің есебінен жүйенің қаржылық тұрақтылығын қамтамасыз ету және денсаулық сақтаудың толыққанды сақтандыру моделіне жақындау жоспарлануда.
Скринингтердің қолжетімділігі
Медициналық көмектің бірыңғай пакеті шеңберінде онкологиялық ауруларды, артериялық гипертензияны, жүректің ишемиялық ауруын, глаукоманы және қант диабетін ертерек анықтауға арналған скринингтер барлық азаматтарға, МӘМС мәртебесіне қарамастан, қолжетімді болады. Бұл шаралар қатерлі ісіктерді ерте сатыларда уақтылы диагностикалауға және емдеуге мүмкіндік береді.
Аурулардың алдын алу
Скринингтердің енгізілуі жүрек-қан тамырлары ауруларын, глаукоманы және қант диабетін уақтылы анықтауға жағдай жасап, асқынулардың алдын алуға және мүгедектікті азайтуға мүмкіндік береді. Аталған ауруларды ерте анықтау азаматтардың денсаулығын қорғауда маңызды рөл атқарады.
